Петропавлда биіктігі 3,5 метр болатын Ильичтің қола ескерткіші сатылатыны туралы хабарлама OLX сайтында пайда болды, деп хабарлайды zakon.kz Петропавловск.news-қа сілтеме жасай отыра.
Иесінің айтуынша, ескерткіштің салмағы 1400 келі.
Басылымның жазуынша, иесі мұндай құнды экспонатты қайдан алғанын айтудан бас тартып, ескерткішті түрлі-түсті металл сынықтары ретінде емес, тарихи ескерткіш ретінде сататынын хабарлады.
Ленин ескерткішінің бағасы 1 600 000 теңге мөлшерінде, бірақ хабарландыру мәтінінде бұл сома рубльмен көрсетілген. Ұлттық валютаға аударғанда — шамамен 9 млн теңге (8 830 208тг.).
Тұғырда «КСРО Көркемсурет қоры, Мытищи көркем құю зауыты» деген таңба бар.
Егер ескерткіш шынымен қоладан жасалған болса, онда, салмағы 1400 келі ескерткіштің түсті металл сынықтары нарығындағы құны шамамен 2 миллион теңгені құрайды. Ескерткішке қатысты мұндай айла-шарғының заңдылығы біршама күмән тудырады», — делінген мақалада.
