Естеріңізге сала кетейік, 9 мамыр күні Петропавлдағы маршруттық автобус өртеніп кеткен. Мамандар автобустың электр сымдарының қысқа тұйықталуы салдарынан жанғанын анықтады.
“Автобус аялдамасындағы өрт туралы ақпарат сағат 19:52-де келіп түсті. ТЖ орнына жедел түрде өрт сөндіру бөлімінің кезекші қарауылы шықты. 19:59-да келгенде автокөлік құралы толығымен отпен қамтылды. Өрт сағат 20:03-те оқшауланып, сағат 20:09-да сөндірілді. Өрттің жалпы аумағы 10 шаршы метрді құрады”,- деп хабарлады ҚР ІІМ облыстық ТЖ департаментінің баспасөз қызметі.
Департамент мамандары өрт автобусты толық істен шығарғанын, сондай-ақ осындай өрттен автомобиль 5-8 минут ішінде жанып кететінін хабарлады.
“Автокөліктер көбінесе электр сымдарының қысқа тұйықталуынан өртенеді. Автокөліктің, әсіресе электр жабдықтарының техникалық жағдайын үнемі бақылау қажет. Өрт болған жағдайда өрт сөндірушілерді дереу шақырып, өртті сөндіру бойынша шараларды қолдану қажет – әрбір автокөлікте жарамды өрт сөндіргіш болуы тиіс”, – деп атап өтті ҚР ІІМ облыстық ТЖ департаментінің баспасөз қызметі.
Сурет: inform.kz
