Павлодарда қылмыстық схеманы әзірлеген 27 жастағы қала тұрғынын және оны жүзеге асыруға екі қатысушыны соттады. Қылмыскерлер сервистік қызмет көрсету қызметкерлері ретінде төлем терминалын ұрлап кетіп, бірнеше рет өз шотына ақша аударды, деп хабарлайды NUR.KZ тілшісі.
Идея авторы бұрын алаяқтық жасағаны үшін бес жыл мерзімге бас бостандығынан айырылған.
Бірақ бірінші мерзім оны ұрлауға бейімдігінен арылта алмады. 2015 жылдың көктемінде ол тағы тез табыс табуды ойластырады. Ол екі көмекші тауып, Айманов көшесінде орналасқан дүкеннен терминалды ұрлап кеткен.
Олар аппаратты ұрлап алып, ақшаны өз шоттарына аудара бастады. Бұл бірнеше рет қайталанды.
Осылайша, олар банк картасына 600 мың теңге салды. Сонымен қатар, электронды әмияндар мен ұялы телефондардың теңгерімдерін толтырды. Барлығы 1 млн 300 мың теңге иемденді.
Ұрылар қолға түскен кезде олардың ақшасы біткен. Алаяқтық фактісі бойынша қылмыстық іс қозғалды. Олар 4 жылға түрмеде отыруға жазалануы керек, бірақ заң жазадан құтылуға мүмкіндік береді.
Сыбайластың біреуі сотта келтірген залалының орнын толтырғанын мәлімдеді. Ол сот залында босатылды. Екінші залалды өтеу үшін уақыт сұрады, судья оған бір апта уақыт берді.
Сурет: prodengi.kz
