Омбы кәсіпкерлері қазақстандық кәсіпкерлермен өзара іс-қимылды нығайту мақсатында Павлодарға келді. Бұл туралы Ресейдегі Қазақстан елшілігінің баспасөз қызметі хабарлады.
Омбы делегациясының құрамында химия, тамақ және жеңіл өнеркәсіп салаларына маманданған кәсіпорындар мен ұйымдардың өкілдері болды.
Омбы облысының кәсіпкерлері павлодарлық әріптестерімен бірқатар екіжақты кездесулер өткізді, онда өзара тиімді ынтымақтастықты дамытуға байланысты мәселелер талқыланды.
Сонымен қатар, Омбы кәсіпкерлері “Қазақавтожол” ЖШС, “Қазақстан электролиз зауыты” АҚ, “Павлодарметизорталық” ЖШС кәсіпорындарында, сондай-ақ TOO Greenwich және Metro cash and carry сауда желілерінде болды.
Бизнес-миссияның соңында Омбы облысы мен Павлодардың бизнес-топтары арасында байланыстарды нығайту және тікелей экспорттық жеткізілімдер көлемін ұлғайту туралы уағдаластыққа қол жеткізілді.
Бизнес-миссия Омбы облысының даму және инвестициялар агенттігінің, сондай-ақ Қазақстанның Ресейдегі Сауда өкілдігінің қолдауымен ұйымдастырылды.
Сурет: kazembassy.ru
