Павлодар облысының атқарушы билік органында осы жылы өңірде іске асыру жоспарланған инвестициялық жобаларды қарау бойынша кеңес өтті, деп хабарлайды inbusiness.kz жаңалықтар ресурсы.
Жиынға қатысушылар алдында сөйлеген сөзінде облыстық индустриялық-инновациялық даму басқармасының басшысы Владимир Платов биыл өңірде 14 ірі жоба жоспарланғанын айтты. Оларды жүзеге асыруға 33 миллиард теңге инвестиция бағытталады деп жоспарланды.
Бұл жобаларды іске асырудың экономикалық тиімділігі – жыл сайынғы салық аударымдары 12 миллиард теңге құрайды деп күтілуде.
Платов Павлодар облысына инвесторлар Ресей Федерациясы, Қытай, Түркия, Германия, Нидерланды, Польша және Грузия екенін айтты.
Ол сондай-ақ, өңірде “Росдорком” ресейлік компаниясымен бірлесіп ыстық мырыштау бойынша ірі жоба іске асырылып жатқанын атап өтті.
Платовты тыңдаған аймақ басшысы Әбілқайыр Сқақов жауапты тұлғаларға өңірдің инновациялық-индустриялық дамуының жаңа стратегиясын әзірлеуді тапсырды.
Қазақстандық бизнеске ең көп қаражатты Ресей инвесторлары салады. Оған ranking.kz ақпарат агенттігі жүргізген зерттеу нәтижелері дәлел. Бұл зерттеу Қазақстанда жұмыс істейтін шетелдік кәсіпорындардың негізгі бөлігі, атап айтқанда 7,4 мыңы ресейлік компанияларға тиесілі екенін көрсетті.
