Павлодар облысында мемлекеттік қызметке орналасқандардың ішінде жоғары білім туралы 6 дипломның жалған екені анықталды, деп хабарлайды облыстық мемлекеттік қызмет істері және сыбайлас жемқорлыққа қарсы іс-қимыл департаментінің баспасөз орталығы.
Мемлекеттік қызметкерлер жалған құжаттармен жұмыс істейтін мекемелер, дипломдарды берген оқу орындары және дипломдарда жазылған мамандықтар ведомствода тергеу құпиясына байланысты аталмайды.
Анықталған бұзушылықтар бойынша облыстық полиция департаменті Қазақстан Республикасы Қылмыстық кодексінің 385 – бабының 3-бөлігі — жалған құжатты пайдалану бойынша сотқа дейінгі тергеуді жүргізуде.
Осындай фактілерді анықтау жалғастырылатын болады. Мемлекеттік қызметке жалған құжаттармен келгендерге 160 ең төменгі есептік көрсеткішке дейінгі мөлшерде айыппұл салынады немесе түзеу жұмыстарына жіберіледі, немесе қамауға алынады. Айыптау үкімі күшіне енгеннен кейін мемлекеттік қызметтен босатвлады.
Сурет: tengrinews.kz
