Өңірде мемлекеттік шекараның төрт көлік өткізу пунктінде адамдардың орын ауыстыруына мониторинг жалғасуда, деп Turantimes.kz хабарлайды.
Соңғы тәулікте шекарадан 234 адам өтті, оның ішінде 81 – жаяу жүргінші және 153 жүк көлігінің жүргізушісі. Карантиндік стационарға 3 қазақстандық орналастырылды. Автоөткізгіштерде тәулік ішінде covid-19 расталған жағдайлары анықталған жоқ.
Сонымен қатар, ТМД-ның бес азаматына: үш ресейлікке және Қырғызстанның екі азаматына ПТР тестілеуінің теріс нәтижесі бар анықтамалардың болмауына байланысты елге кіруге тыйым салынады.
Шектеулер енгізілген сәттен бастап облысқа 71 715 адам келді, оның ішінде халықаралық тасымалдарды жүзеге асыратын 45 922 жүргізуші және 25 793 жолаушы. 21 053 ПТР-тексеру жүргізілді, аурудың асимптоматикалық ағымымен 142 импортталған жағдай анықталды.
