Павлодар облысы Ертіс ауылында азық-түлік дүкенінің сатушысы ақшаның кем шығуын жасыру үшін, тонау туралы полицияға хабарлады, деп хабарлайды облыстық полиция департаментінің баспасөз қызметі.
Дүкенге келген полицейлер еденде жатқан бірнеше купюралар мен тауарларды көрді, ал кассада сатушы жылап отырды.
Сатушылардың айтуы бойынша дүкенге жабылар алдында екі тонаушы кірді. Олардың бірі пышақпен қорқытып, кассадан 300000 теңге алған.
Сатушы тонаушыларға анықтап қарай алмай, бет-әлпетін есте сақтамаған.
Полиция қызметкерлері қылмыскерлерді іздестіруді бастады, бірақ сатушыға да күдіктенеді.
Дүкенді тексеру, әйел адамды қайта сұрау және дүкен иесімен әңгіме жүргізу нәтижесінде полицейлер тонау ойдан шығарылған деген қорытындыға келіп, қосымша айғақтар да тапты.
Сатушы кассада ақша жетіспегендіктен тонауды ойлап тапқан. Сатушыға полицияны жалған шақырғаны үшін 38000 теңге көлемінде айыппұл салынды.
Сонымен қатар, сатушыға дүкенге келтірілген шығынды өтеуге тура келеді.
Сурет: Удмурт Республикасының жаңалықтары
