Ленинский кентіндегі GROUP KSM ЖШС кәсіпорны тұрақты жұмыс орындарына 45 адамды жұмысқа орналастырды.
Өндірістік-технологиялық зертханасы бар заманауи астық қоймасы салынды.
Кәсіпорында негізгі үдерістер автоматтандырылды, астық кептіргіштер, астық тазалау машиналары, белсенді желдету жабдықтары, астық сақтауға арналған ыдыстар, көтергіш-көлік техникасы және тағы басқа да көптеген жұмыстар бар, әкелінген астықтың құрамын және сапалық көрсеткіштерін анықтайтын зертхана жұмыс істейді.
ЖШС директоры Бекзат Умутчаков: «біз лицензия алып, осы салада үлкен тәжірибесі бар білікті мамандарды жалдаған едік. Заңды тұлғаларға да, жеке кәсіпкерлерге де қызмет көрсетуді жоспарлап отырмыз».
Фирма басшылығы қарақұмық пен арпа жармасын өндіретін зауыт ашуды жоспарлап отыр.
Облыс әкімі Болат Бақауов: «Жарма шығару – өте перспективалы өндіріс, себебі бұл өнімнің басым бөлігі экспортқа шығарылады. Егер сіз олардың өнімін сатып алуға дайын болсаңыз, біз арпа, сұлы немесе тары өсіруге шаруаларымызды бағыттауға дайынбыз», — деді ол.
Облыста жалпы сақтау қуаты 264 мың тонна болатын алты лицензияланған элеватор жұмыс істейді. Бүгінгі таңда астық қоймаларына 136 мың тонна астық әкелінді.
Сурет: pavlodarnews.kz
