Мәжіліс депутаттары Александр Суслов, Амангелді Дәуренбаев, Жанат Омарбекова Павлодар ауданы Набережное ауылының “Аңдас” шаруа қожалығына барып, Павлодар облысының фермерлік шаруашылықтарының басшыларымен кездесті, деп хабарлайды Zakon.kz ,Мәжілістің баспасөз қызметіне сілтеме жасап.
Кездесу барысында Президент Жолдауының негізгі бағыттарына, ең алдымен агроөнеркәсіптік саланы қолдау мен дамытудың көзделген шараларына баса назар аударылды.
Қазіргі уақытта “Аңдас” шаруа қожалығы жалпы қуаты 19 мың тонна екі көкөніс қоймасын салу жобасын жүзеге асыруда. Инвестиция көлемі 550 млн. теңгені құрайды. Құрылыстың 85 %-ы аяқталды. Желдету жабдығы жөнделді.
Шаруа қожалығында “Гала” және “Беларус Манифест”сорттары картобы өсірілуде.
Павлодар ауданында жыл басында барлығы 60 көкөніс сақтау қоймасы болды. Павлодар ауданының көкөністері суық кезеңде сақталуымен танымал, сондықтан картоп, сәбіз және қызылша салу, өңір нарығында, қыста баға тұрақтылығын қамтамасыз етуге мүмкіндік береді.
