Nur Otan электронды дауыс беру мерзімін бір тәулікке ұзарту туралы шешім қабылданды. Неліктен мұндай шешім қабылданғанын билеуші партияның баспасөз қызметі түсіндірді.
Билік партиясы өкілдерінің айтуынша, жүйе онлайн-дауыс берудің алғашқы күнінде орын алған техникалық жүктемелерге байланысты тіркелген партия мүшелерінің басым бөлігі дауыс бере алмады.
Бүгінгі күнге дейін партияішілік сайлауда 446 мыңнан астам сайлаушы дауыс беріп үлгерді, бұл Nur Otan-ның авторландырылған мүшелерінің жалпы санының 57%-ын құрайды.
Бүгін, 3 қазанда сайлау учаскелері жұмыс істей бастады, дауыс бергісі келетіндердің көп жиналуына жол бермеу үшін, электрондық дауыс беру мерзімін ұзарту туралы шешім қабылданды.
Билеуші партия онлайн-дауыс беру 4 қазан, сағат 14:00-ге дейін жалғасатынын айтты.
Nur Otan-да праймериз Мәжіліс пен барлық деңгейдегі мәслихаттар сайлауында жеңіске жете алатын көшбасшыларды анықтау үшін өткізіліп жатыр. Партияішілік жарыстың нәтижелері, қатысушылар рейтингісімен бірге 5 қазанда жарияланады.
Сурет: otyrar.kz
