Біздің республикамызда «Ақ жол» Демократиялық партиясы мен Халықтық партияның өкілдері қатысқан алғашқы онлайн-пікірсайыс өтті. Қазақстанда танымал саясаттанушылар осы онлайн-пікірсайыс туралы өз ойларын білдірді. Бұл туралы «Қазақпарат» ақпарат агенттігі хабарлады.
«Ақ жол» атынан пікірсайысқа бұрын Қазақстан Президенті лауазымына үміткер болған Дания Еспаева, ал Халықтық партиядан — оның көшбасшысы Айқын Қоңыров қатысты.
Саясаттанушы Әділ Каукенов коронавирус індеті және экономикалық дағдарысқа қарамастан, біздің елімізде үгіт-насихат жұмыстары қалыпты режимде жүріп жатқанын атап өтті.
«Бірақ алда, оқиғалар одан әрі дамиды, партиялар үгіт-насихатта көптеген іс-шаралар өткізіп, белсенді қадамдар жасайтын болады», — деп толықтырды сарапшы.
Халықтық партия мен «Ақ жол» мүшелері арасындағы алғашқы онлайн-дебаттар туралы айта келе, Каукенов жалпы жекпе-жек тең дәрежеде өткенін атап өтті.
Саясаттанушы Данияр Әшімбаев, өз кезегінде, пікірталаста қазақстандықтарды толғандыратын өзекті мәселелердің бірі — несиеге рақымшылық жасау мәселесіне ерекше назар аударылғанын атап өтті.
«Мен мәселенің мәнін талқыламаймын, өйткені әр тараптың халықтың белгілі бір санатына қызықты, ақылға қонымды және негізделген ұстанымы бар. Алғашқы пікірталастың білікті және дұрыс деңгейін атап өткім келеді», — деді Әшімбаев.
Бұған дейін саясаттанушы Андрей Чеботарев әлеуметтік желілерде белсенді, өз БАҚ-тары мен аймақтардағы құрылымдық бөлімшелері бар саяси топтар үгіт-насихат науқанында ұтатынын айтқан болатын.
Сурет: officelife.media
