Орталық сайлау комиссиясының өкілдері 62 халықаралық байқаушы аккредиттелгенін, олар алдағы Мәжіліс пен мәслихат сайлауын бақылайтынын мәлімдеді, деп хабарлайды eadaily.com ақпараттық ресурсы.
Ортсайлауком аккредиттелген бақылаушылардың жалпы санының 29-ы Тәуелсіз Мемлекеттер Достастығының Парламентаралық Ассамблеясынан, 6-ы ТМД миссиясынан, 4-і Ислам Ынтымақтастығы Ұйымынан, 12-сі Еуропадағы қауіпсіздік және Ынтымақтастық Ұйымынан екенін атап өтті.
Қалған 11 байқаушы бес шет мемлекеттен — Қырғыз Республикасы, Иордания, Молдова, Мальдив және Түркиядан келген.
Сайлау келесі жылдың 10 қаңтарында өткізіледі. Бұл жарлыққа Президент қол қойды. Депутаттық мандат үшін жарысқа бес партия — Nur Otan, «Ақ жол», Халық партиясы, «Ауыл» және «Адал» партиясы қатысады.
Сонымен қатар, бірқатар сарапшылар мен саяси шолушылар алдағы сайлауда Тұңғыш Президент Нұрсұлтан Назарбаев басқаратын Nur Otan билеуші партиясы жеңіске жетеді деп пайымдайды.
Сурет: zakon.kz
