Орталық сайлау комиссиясында өткен отырыс барысында саяси құрылым, өзге де қоғамдық бірлестік немесе коммерциялық емес ұйымдардың байқаушыларының шарттары, құқықтары және міндеттері айқындалды, деп хабарлады Ортсайлаукомның баспасөз қызметі.
Келесі жылдың 10 қаңтарына жоспарланған Мәжіліс пен мәслихат сайлауында тек еліміздің азаматы ғана бақылаушы бола алады. Яғни, шетелдіктерге, азаматтығы жоқ адамдарға және халықаралық ұйымдарға сайлау процесін бақылауға тыйым салынады.
Дауыс беруді, дауыстарды санауды және аумақтық сайлау комиссияларының шешімдерін бақылауға мүмкіндік беретін бақылаушы мәртебесін барлық қажетті құжаттарды тапсырғаннан кейін және сайлау комиссиясы тарапынан талап етілген барлық рәсімдер қабылданғаннан кейін ғана алуға болады.
Ұйымдар, егер азаматтардың саяси құқықтары мен бостандығын іске асыру және оны қорғау бойынша жарғылық мақсатына сәйкес келетін болса, сайлауға бақылаушы ретінде жібере алады.
Бұған дейін парламенттік сайлауды Тәуелсіз Мемлекеттер Достастығы бақылаушыларының миссиясы қадағалайтыны, ал оны Ресей Федерациясы Кеңесі төрағасының орынбасары Ілияс Умаханов басқаратыны туралы хабарланған болатын. Бұл шешім ТМД елдерінің тұрақты өкілдері кеңесінің отырысында қабылданған.
Сурет: 24.kz
