Қазір біздің мемлекетке дағдарыс қауіпі төніп отыр, оны еңсеру үшін экономикалық реформамен қатар,, саяси реформа да жүргізу қажет. Бұл туралы Мәжіліс депутаты, El Tiregi өнеркәсіп мен кәсіпкерлер одағының басшысы Нұржан Әлтаев мәлімдеді.
Мәжіліс депутаты коронавирус індеті Қазақстан мемлекеттік аппаратының тиімсіздігін көрсеткенін, сондықтан ол өткен жылдардың тәжірибесіне қарамастан, экономикалық дағдарысты жеңе алмайтынын айтты.
Депутаттың пікірінше, бұл жағдайда жалғыз дұрыс шешім – өнеркәсіп және кәсіпкерлер одағының өкілдері дайындаған экономикалық және саяси реформалар жүргізу.
Одақ ұсынған саяси реформалардың бірі – Парламенттегі мажоритарлық сайлау жүйесіне оралу, яғни азаматтар қандай да бір партия үшін емес, олар өздері білетін және оған сенетін нақты адам үшін дауыс береді.
Тағы бір саяси реформа – азаматтарға барлық деңгейдегі әкімдерді таңдауға рұқсат беру. Сол сияқты, одақ судьялар сайлауын өткізуді ұсынады.
Нұржан Әлтаев одақтың республикамызда жүргізілуі қажет бірқатар саяси реформалары бар екенін атап өтті.
Осы мақсатқа жету үшін El Tiregi одағы азаматтық реформалар кеңсесін құруды жариялады, сонымен қатар құрылып жатқан стратегиялық жоспарлау және реформалар жөніндегі агенттікке ынтымақтастық ұсынды.
“Реформалар өте ауыр болатынын түсіну керек, бейнелі түрде айтсақ, дәрі-дәрмек бізге көмектеспейді. Науқастың аман қалуы үшін пышақ астына алу керек болады. Бұл қоғам өз үкіметіне қолдау көрсетіп, сенсе ғана болуы мүмкін. Қазір бізде ол жоқ. Сондықтан бүгін Үкімет ең алдымен адамдардың сенімін қайтару қамын ойлауы керек”, – деп атап өтті парламентарий.
Сурет: total.kz
