Саяси белсенділер 2004 жылдан бері бірінші рет Конституциялық мерзімде өтетін Мәжіліс пен мәслихат сайлауларын бақылау үшін Республикамызда Taza Sailau тәуелсіз бақылаушылар қозғалысын құрды, деп хабарлайды informburo.kz ақпарат ресурсы.
Журналист Бигелді Ғабдуллиннің айтуынша, жақын арада құрылған ұйым 4 мыңға жуық байқаушыны дайындауға ниетті. Белсенді өзінің жақтастарымен бірге сайлауды кәсіби деңгейде бақылайтын саясаткерлердің жаңа буынын тәрбиелегісі келетінін атап өтті.
Ғабдуллин Қазақстан басшылығы келесі жылдың 10 қаңтарына жоспарланған Мәжіліс пен мәслихат сайлауын адал және ашық өткізуге мүдделі деп санайды.
Бұған дейін ОСК елде ресми тіркелген барлық саяси бірлестіктерге 2021 жылғы сайлауға қатысуға рұқсат бергені туралы хабарланған болатын.
Алайда жақында “Адал” деп қайта аталған “Бірлік” партиясы Шымкент және Түркістан облыстық мәслихаттарындағы депутаттық орындар үшін жарысқа қатыса алмайды. Бұл саяси бірлестіктің филиалдары Оңтүстік Қазақстан облысы қайта құрылғаннан кейін қайта тіркеу рәсімінен өтпегендігіне байланысты.
Сурет: ntv.ru
