«Ақ жол» демократиялық партиясы алдағы Мәжіліс пен мәслихат сайлауын қадағалайтын бақылаушылар үшін тренинг өткізді. Бұл туралы «Қазақпарат» ақпарат агенттігі хабарлады.
Тренинг барысында ақжолдықтар депутаттыққа үміткерлердің сенімді тұлғаларына қандай талаптар қойылатыны туралы айтты.
«Ақ жол» мүшелерінің айтуынша, кандидаттар сенім білдірілген адамдарды өз қалауы бойынша тиісті сайлау округіндегі әрбір сайлау учаскесіне үш адамнан аспайтын санда анықтайды.
Ақжолдықтар ешқандай сайлау комиссиясының мүшесі болып табылмайтын және мемлекеттік қызметте қызмет атқармайтын республикамыздың кез келген азаматы сенімді тұлға бола алатынын атап өтті.
Конституцияға сәйкес, сенім білдірілген адамдар бақылаушылар сияқты құқықтарға ие, бірақ депутаттыққа үміткерлер жазбаша түрде берген өкілеттіктер шегінде әрекет етуі керек.
Сайлау Қазақстан Республикасында келесі жылдың 10 қаңтарында өткізіледі. Елде барлығы 6 партия болса да, оларға ресми тіркелген бес партия қатысады. Жалпыұлттық социал-демократиялық партия депутаттық мандаттар үшін жарыстан бас тартты.
Орталық сайлау комиссиясының ақпараты бойынша, 2004 жылдан бастап Конституциялық мерзімде бірінші рет өтетін алдағы сайлауға республикалық бюджеттен 15,3 миллиард теңге көлемінде қаражат жұмсалады.
