Оңтүстік астананың Әділет департаментінің қызметкеріне қатысты сыбайлас жемқорлық қылмысын жасады деген күдікпен сотқа дейінгі тергеу жүргізілуде, деп хабарлайды Алматы қаласының сыбайлас жемқорлыққа қарсы күрес ведомствосының баспасөз қызметі.
Атап айтқанда, Оңтүстік астана Әділет департаментінің Бостандық аудандық сот актілерін орындау аумақтық бөлімі басшысының міндетін атқарушы 2 миллион теңге пара алды деп күдіктенуде.
Алдын ала мәліметтер бойынша, ол мүлікке тыйым салмағаны және сот актісін орындамау фактісі бойынша материалдарды құқық қорғау органдарына жібермегені үшін пара алған.
Сыбайлас жемқорлыққа қарсы қызметте күдіктіге қатысты кінәсін толық мойындауға байланысты ұстау жүргізілмегенін атап өтті.
Алматы қаласы Әділет департаментінің қызметкеріне қатысты оның кінәлілік дәрежесін анықтап, түпкілікті шешімді сот шығарады.
Сурет: sputnik news.kz
