Сыбайлас жемқорлыққа қарсы қызмет қызметкерлері Семей пробация қызметі бастығының орынбасарына қатысты сотталған адамнан пара алды деп күдіктеніп, тергеу жүргізіп жатыр. Бұл туралы сыбайлас жемқорлыққа қарсы қызметтің баспасөз қызметі хабарлады.
“Шығыс Қазақстан облысы бойынша сыбайлас жемқорлыққа қарсы іс-қимыл агенттігінің департаменті Семей қаласы пробация қызметі бастығының орынбасарының пара алу фактісін анықтады. Ол Семейден шығуға рұқсат бергені және пробация қызметіне ай сайынғы белгіге келмегені үшін сотталған адамнан пара алды деп күдіктенеді. Күдіктінің кінәсін толық мойындауына байланысты процессуалдық ұстау қолданылған жоқ. Тергеу жалғасуда”, – деп хабарлады сыбайлас жемқорлыққа қарсы қызметте.
Күдіктіге қатысты соңғы шешімді сот шығарады деді сыбайлас жемқорлыққа қарсы күрес ведомствосының қызметкерлері.
Сурет: kaztag.info
