Ағымдағы жылы шетелде Қазақстанның 10 сауда өкілдігін ашу жоспарланған. Бұл туралы ҚР Премьер-министрі Асқар Маминнің Мәжіліс депутаттары тобының экспорттық саясатқа қатысты сауалына берген жауабында айтылған, деп ХАА “ҚазАқпарат” хабарлайды.
Үкімет басшысы сыртқы нарықтарда сауда өкілдіктерін ашу: Қазақстанның экономикалық мүдделерін шетелде ілгерілету; болу нарығында қазақстандық бизнестің тұрақты қатысуын және мүдделерін қорғауды қамтамасыз ету; жергілікті деңгейде отандық шикізаттық емес (өңделген) тауарлар мен көрсетілетін қызметтердің имиджін арттыру мақсатында көрмелер, жарнамалық-тұсаукесерлік іс-шаралар мен семинарлар және т.б. өткізуге жәрдем көрсету; орналасқан мемлекеттің сауда саясаты шараларын жинау және талдау, тауарлар мен көрсетілетін қызметтерге әлеуетті сұранысты зерделеу және тауарлар мен.
“Осыған байланысты 2019 жылдан бастап Қазақстанның 10 сауда өкілдігін ашу жоспарлануда: – Ресей Федерациясында (Қазан, Мәскеу, Екатеринбург қалаларында); – Өзбекстан Республикасында (Ташкент); – ҚХР (Үрімші және Пекин қалаларында); – БАӘ (Рас-эль-Хайма қ.); – Қырғызстан Республикасында (Бішкек қ.); – Әзірбайжан Республикасында (Баку қ.); – Беларусь Республикасында (Минск қ.).
Бүгінгі таңда Ресей Федерациясының әлемнің 57 елінде Сауда өкілдіктері бар, Өзбекстан Республикасының 12 өкілдігі бар, Беларусь Республикасының шетелде 40 өкілдігі бар”, – делінген Министрлер кабинеті басшысының ресми жауабында.
