Су тасқынынан зардап шеккен Мақтарал ауданында жаңа үйлердің құрылысы қарқынды жүріп жатыр. Билік 1 шілдеге дейін 55 нысан толық аяқталады деп уәде берді, деп хабарлайды «ҚазАқпарат».
Қазір бұл ауданда 386 тұрғын үйдің құрылысы жүріп жатыр, олардың 196-сы үкімет резерві есебінен, ал қалғандары — қорлар есебінен салынуда.
Құрылыс жұмыстарының барысы туралы Мақтаарал аудандық сәулет, қала құрылысы және құрылыс бөлімінің бастығы Бижан Анарбеков баяндады.
Оның айтуынша, барлық жұмыстар кестеге сәйкес жүргізілуде, қарқыны бәсеңдемейді, мердігер ұйымдар екі ауысымда жұмыс істеп жатыр және құрылыс материалдары әзірше жетерлік.
Сонымен қатар, Бижан Анарбеков 1 шілдеге дейін 55 үйдің құрылысын толық аяқтау жоспарланып отырғанын айтты.
Мырзакент елді мекеніндегі жаңа шағын ауданының аумағында да жұмыс жоспар бойынша жүріп жатыр. Жаңа үйлердің құрылысынан басқа, онда газдандыру, сумен жабдықтау және жарықтандыру жұмыстары жүргізілуде.
1 мамыр күні Өзбекстанда Сардоба су қоймасының бөгеті бұзылып, нәтижесінде Мақтарал ауданының коллекторлары суға толып, ауылдарды су басқан.
Сурет: inform.kz
