Қазақстанның Төтенше жағдайлар комитетінің қызметкерлері Қостанайдағы жарылыстан зардап шеккендердің саны туралы хабарлады. Олардың мәліметтері бойынша жеті адам зардап шеккен.
Бұл туралы Төтенше жағдай комитетінің баспасөз қызметі хабарлады.
“17 маусым күні сағат 12:00-де Қостанайда Лермонтов көшесіндегі екі қабатты ТҚС ғимаратында газ жарылысы орын алды. Жарылыс салдарынан ғимараттың 90%-ы опырылып, өрт шықты”,-деп хабарлады баспасөз қызметінің қызметкерлері.
Төтенше жағдайлар комитетінің қызметкерлері жарылыс салдарынан 7 адам зардап шегіп, оның ішінде 6 адам жақын маңдағы ауруханаға жеткізілгенін айтты.
“Медицина орталығының қызметкерлері зардап шеккен бір адамға алғашқы медициналық көмек көрсетті. Оқиға орнында жедел штаб құрылды. Газбен жабдықтау және электр уақытша өшірілді. Өрт сөндіру бөлімшелері 12:47-де өртті ауыздықтады” – – деді комитет қызметкерлері
ТҚО ғимаратындағы өрт 12:00 шамасында басталды, ал оны 12:47-де сөндірді. Өрт сөндіруге “ӨС және АҚЖҚ” ММ, СӨАЖҚЖ, ЖКО, ЖАО, АМО, ҚазТрансГазАймақ қызметкерлерінен жалпы 98 адам қатысты. Сонымен қатар, 30 өрт сөндіру техникасы жұмылдырылды.
