Қостанайға 140 жыл толды. Осыған байланысты облыс орталығының тұрғындары қаланың мерейтойын атап өтті. Мерекеге қазақстандық және ресейлік әртістер қатысты.
Қала күнін мерекелеу екі күнге созылды. Қаланың түрлі аудандарында концерттер ұйымдастырылды. Ең жарқын іс-шаралар “Құнарлы Қостанай” арт-көрмесі мен батпырауық фестивалі болды. Мереке керемет салютпен аяқталды.
Мереке кезінде Қостанай облысының әкімі Архимед Мұхамбетов Қостанайдың басты байлығы – оның тұрғындары екенін мәлімдеді.
“Сіздердің күш-жігерлеріңіз бен отансүйгіштіктеріңіздің арқасында, бүгінгі күні мерекеге қатысып отырған ардагерлеріміздің, соғысқа дейінгі және одан кейінгі қиын жылдары жұмыс істеген ата-бабаларымыздың дәстүрін сақтағандарыңыздың арқасында бүгін біздің қаламыз гүлденіп,жақсарып келеді,жақсара бермек”, – деді Мұхамбетов.
