Қостанай облысы Төтенше жағдайлар департаментінің мәліметтеріне сәйкес, көктемде аймақта қалыпты су тасқыны болуы ықтимал. Ведомство облыс тұрғындарын өз үйлерінің жанында жыралар қазып, көпірлерге арналған тақталарды дайындауға шақырды, деп хабарлайды тілшісі. NUR.KZ .
Ведомствоның мәліметінше, биыл облыста су көлемі өте жоғары емес. Су тасқыны орташа, өзендердегі су деңгейі төмен болады деп болжануда.
Бірақ жаңбыр жауып немесе ауа температурасының күрт көтерілуі кезінде6 қардың тез еруінен өзендердегі су деңгейі көтеріледі. Бұл жағдайда бірнеше аудандарды су басуы мүмкін.
Департамент су тасқынына дайындық туралы хабардар етті, сонымен қатар тұрғындарды өз қамдарын ойлауға шақырды.
Құтқарушылар өз аулаларын балшық пен судан тазартуға, су құйылатын жыраларды қазуға кеңес берді. Оларды үнемі тазалау керектігін ескертті.
Сондай-ақ, мамандар көпірлер салауды немесе су басқан үйге кіруге және одан шығуға болатын тақталарды дайындауды сұрады. Құтқарушылар айтып өткендей, «жүзіп кететіндердің» бәрін алдын ала гаражға жинап, «құлыптап» тастауға кеңес береді.
«Жертөлелерді заттар мен өнімдерден босатыңыздар, әйтпесе одан да айырылып қалуға болады», – деп ескертті ТЖД-де.
Сурет: Sputnik
