Қостанай облысының тұрғындары коммуналдық қызметтер үшін жалпы сомасы 500 миллион теңгеден астам қарыз жинады. Бұл туралы бүгін мәжілісте облыс әкімінің бірінші орынбасары Ғауез Нұрмұхамбетов мәлім етті, деп хабарлайды “ҚазАқпарат” халықаралық ақпарат агенттігінің тілшісі.
Ағымдағы айда коммуналдық қызмет үшін тұрғындардың қарызы 569 миллион 300 мың теңгені құрады. Жылыту маусымының басталуымен салыстырғанда қарыз 15 миллион 900 мың теңгеге азайды.
1 қаңтардан бастап ірі қамтамасыз етушілер бұрынғы жоғары тарифтерді 1%-дан 14%-ға дейін төмендетті. Шағын қуатты субъектілер тарифтерді өткен жылдың деңгейінде сақтап қалды,енді электр бағасын төмендетуге бағытталған жұмыстар жүргізуде.
Тұрғындардың жалпы қарызынан: жылу үшін қарызы 419 миллион 200 мың теңге, су және ағын суларды бұру үшін 73 миллион теңге, электр үшін 55 миллион 700 мың теңге және газ үшін 21 миллион 400 мың теңге.
Ең үлкен борыш облыс орталығында – 380 миллион 400 мың теңге, Жітіқара қаласында-81 миллион 600 мың теңге,Лисаков қаласында-38 миллион 500 мың теңге. Аудандар бойынша ең көп Әулиекөл тұрғындары – 13 миллион 600 мың теңге, Қостанай – 10 миллион 800 мың теңге және Қарабалық – 4 миллион 100 мың теңге қарыз.
Сурет: Казинформ
