Облыс әкімі Архимед Мұхамбетов Қостанай мемлекеттік университетінің жаңа Smart-орталығына барды,деп «ҚазАқпарат»ХАА хабарлайды.
Smart орталығы тікелей жоғары оқу орнында орналасқан. Оны «Цифрлық Қазақстан» бағдарламасын жүзеге асыру барысында құрды. Орталықта бірнеше секциялар ұйымдастырылды, онда студенттер ІТ, мал шаруашылығы, Ауыл шаруашылығы және т.б. салаларында әртүрлі әзірлемелермен айналыса алады. Бұл IT-skills, Cyber-club, Agro-skills, «Lab Network» және Coworking бастапқы алаңы.
Облыс әкімі орталық ұжымымен кездесуде оларға өңірлік дамуға қатысты нақты міндеттерді жүзеге асыруды тапсырды. Әсіресе, ол ІТ-саласы мен агроөнеркәсіп кешенінің дамуына назар аударды.
Университет студенттері «Экосервис-2030» атты компанияны құрды. Өткен жылы университет зертханалық жабдықтарды жөндеуге 150 миллион теңге қаржы бөлді. Осы жылы орталықты жаңа заманауи жабдықтармен жабдықтау үшін осындай соманы ұсыну жоспарланған. Қостанай Университеті бизнес-инвестицияларды тартатын ғылыми орталықпен айналысқысы келеді.
«Осы секциялар ғылыми қызметпен айналысатын белсенді жастарды тартады деп ойлаймын», — деп атап өтті аймақ басшысы.
Сурет: top-news.kz
