Қазіргі уақытта Қостанай облысының 39 елді мекені су тасқыны болуы мүмкін жерлерде орналасқан, деп хабарлайды «Хабар» агенттігі.
Су тасқыны қаупі бар ауылдарда 4500-ге жуық адам тұрады. Жақын арада өзендерде жарылыс жұмыстарын жүргізу жоспарлануда. Азаматтық қорғау қызметтері құрылды, эвакуациялау пункттері дайындалуда. Наурыздың үшінші онкүндігінде облыстың оңтүстік өңірлерінде су тасқыны күтілуде. Солтүстігінде су тасқынының басталуы сәуір айының басында деп болжануда. 2019 жылы су тасқынына қарсы іс-шараларға 442 миллион теңге бөлінді.
Облыстық Төтенше жағдайлар департаментінің бастығы Талғат Кәкімов инертті материалдар мен ыдыс қаптар жеткілікті екенін мәлімдеді. Оның айтуынша, сорғы қондырғыларының 80 бірлігі пайдалануға дайын — мотор сорғылары мен су айдауға арналған техника. Жалпы, ағымдағы жылы су тасқынына қарсы азаматтық қорғаныс күштері мен құралдары дайын.
Сурет: 24kz
