Елордалық білім беру бөлімінен кейін, қостанайлық шенеуніктер мектеп асханаларында ас мәзірін өзгертуді шешті.
Енді мектеп асханаларындағы мәзір санитарлық дәрігерлер мен диетологтардың ұсыныстарын ескере отырып жасалады. Мәзірде оқушылардың ауысымы, жас ерекшеліктері, мектепте болу ұзақтығы ескеріледі.
Қостанайлық оқушылардың мәзірінде дәрумендер мен минералдар көп, қант пен тұз аз болады. Сонымен қатар, мектеп түскі асына жеміс, бал және сүзбе кіреді.
Алайда, асханада жаңаша тамақтану қазіргіге қарағанда қымбат болады. Мектеп оқушыларының түскі ас бағасы қаншалықты өсетінін жақында хабарлайды.
Сулет: abctv.kz
