Отандық автомобиль жасаудың даму қарқыны туралы, ОКҚ брифингінде Қостанай облысының әкімі Архимед Мұхамбетов айтып өтті, деп хабарлайды Zakon.kz.
“СарыарқаАвтоПром” ЖШС алаңдарында ағымдағы жылы 7772 жеңіл, яғни өткен жылдың кезеңінен 2,3 есе артық, 93 жүк автомобилі – 4 есе артық, 76 автобус пен шағын автобус жиналды”, – деді ол.
Аймақ басшысы атап өткендей, “АгромашХолдинг” АҚ-да 225 комбайн жиналды.
Сонымен қатар Мұхамбетов Hangteng automobile Co. Ltd компаниясы екенін айтты. Hangteng жеңіл автокөліктерін өндіру жобасына 150 млн доллар инвестиция салуды жоспарлап отыр.
“Айта кету керек, Қостанай “СарыарқаАвтоПром” ЖШС жеңіл және жүк автомобильдерін, автобустарды шығаруды жүзеге асыратын облыстың машина жасаудың ірі кәсіпорны болып табылады. Кәсіпорын алаңында барлығы 24 мыңнан астам автокөлік жиналды.
IVECO маркалы қостанайлық автобустар Астанаға “ЭКСПО-2017″ халықаралық көрмесін өткізу кезінде астаналық бағыттар бойынша жүру және келушілерді тасымалдау үшін жеткізілді”, – деп түсіндірді әкім.
Сондай-ақ, оның айтуынша, қозғалтқыштарға арналған жиынтықтаушы (тораптар мен бөлшектер), комбайндарды құрастыратын, ауыл шаруашылығы техникасына қосалқы бөлшектер шығаратын ірі кәсіпорын “АгромашХолдингKZ” АҚ болып табылады.
2005 жылдан бастап кәсіпорын алаңдарында 4113 астық жинайтын комбайндар, сондай-ақ басқа ауыл шаруашылығы техникасы (сепкіштер, платформа іріктегіштер, тораптар мен сорғылар) жиналды. Өнім Ресей Федерациясына, Беларусь, Тәжікстан, Қырғызстанға экспортталады
