2018 жылдың соңына дейін Қостанай облысында ауруханалар мен диспансерлер саны 40-тан 23-ке дейін қысқарады.
Шенеуніктер ауруханалардың жабылуын денсаулық сақтау жүйесін “оңтайландырумен” түсіндіреді және қысқарту халыққа медициналық көмек көрсету сапасына әсер етпейтінін айтады.”Оңтайландыру” және осы сала нысандарын біріктіру негізінен Қостанай, Арқалық және Рудный қалаларында өтеді. Мысалы, Арқалық перзентханасы қалалық ауруханамен біріктіріледі. Ал жергілікті туберкулезге қарсы және психоневрологиялық диспансерлер бөлімше мәртебесіне ие болады және облыстық диспансерлердің қарамағына өтеді.
Медициналық мекемелерді оңтайландыру үдерісі 75 миллион теңге бюджет қаражатын үнемдеуге мүмкіндік береді.
Барлық өзгерістер медициналық қызмет көрсету сапасына еш әсер етпейді дейді мамандар. Нұрлан Ержанов, Арқалық аймақтық ауруханасының бас дәрігері: “Перзентханада тек әкімшілік бөлім ғана қысқартылды. Біз штат бойынша бізге кім қажет екенін, бізде кім бар екенін көрдік. Адамдардың басым бөлігін біз, әрине, алдық. Қайта ұйымдастыру медицина қызметкерлеріне қатысты емес. Барлығы бізге өз лауазымымен, функционалдық міндеттерімен қабылданды”.
Айта кету керек, Қазақстанда ауруханалар саны 1991 жылы 1805-тен 2016 жылы 877-ге дейін қысқарды.
Сулет: abctv.kz
