Қостанай облысының билігі еліміздің басқа өңірлерімен шекарада санитарлық бекеттер қою туралы шешім қабылдады. Облыс әкімі Архимед Мұхамбетов оның себебін айтты, деп хабарлайды zakon.kz ақпарат ресурсы.
Өңірде коронавирустың таралуын болдырмау жөніндегі жедел штабтың кеңесі өтіп, онда Мұхамбетовке Қостанай, Лисаков, Арқалық және Рудный, сондай-ақ Қостанай, Қарабалық және Жітіқара аудандарындағы эпидемиологиялық жағдайды баяндады.
Кеңес қорытындысы бойынша Мұхамбетов облыс периметрі бойынша санитарлық бекеттер қою туралы шешім қабылдады. Әкімнің айтуынша, мұндай шаралар індеттің таралуын болдырмау үшін қажет.
Сондай-ақ, Мұхамбетов уәкілетті органдарға санитарлық ережелерді сақтау қажеттілігі туралы белсенді ақпараттық-түсіндіру жұмыстарын жүргізуді тапсырды.
Сонымен қатар, аймақ басшысы азаматтардың карантин ережелерін сақтауын қадағалайтын мониторингтік топтардың жұмысын күшейту қажеттігін айтты.
Коронавирустың таралуынан бастап бүгінгі күнге дейін, Қостанай облысында инфекцияның 3988 жағдайы расталды. Ал, елімізде олардың жалпы саны 117336 болды.
Сурет: inform.kz
