Қостанай облысы Қостанай ауданы әкімдігінің “Жер қатынастары бөлімі” мемлекеттік мекемесінің басшысы пара алды деп күдікті. Бұл туралы жемқорлыққа қарсы іс-қимыл агенттігінің баспасөз қызметі хабарлады
хабарлайды.
“Қостанай облысының сыбайлас жемқорлыққа қарсы қызметі пара алды деген күдікпен Қостанай облысы, Қостанай ауданы әкімдігінің “Жер қатынастары бөлімі” ММ басшысына қатысты сотқа дейінгі тергеуді бастады. Ол Затобол кентінде жылыжай салуға жер телімін бөлгені үшін бұрын келісілген 1 миллион теңгенің 500 мың теңгесі көлемінде пара алды деп күдіктенуде”, – деп хабарлады сыбайлас жемқорлыққа қарсы қызмет.
Сыбайлас жемқорлыққа қарсы ведомствоның ақпараты бойынша, қазір Қостанай облысы әкімдігінің қызметкеріне қатысты сотқа дейінгі тергеу жалғасуда.
“Күдіктінң кінәсінің дәрежесін сот анықтап, түпкілікті шешім шығарды”, – деді сыбайлас жемқорлыққа қарсы қызметте.
Айта кету керек, Қостанай ауданы әкімдігінің ресми сайтында жарияланған ақпаратқа сәйкес, Қостанай ауданы әкімдігінің “Жер қатынастары бөлімі” мемлекеттік мекемесінің басшысы Ерлан Қазиев болып табылады.
