Қостанай тұрғындарымен кездесу барысында қала әкімінің орынбасары Рүстем Қаркенов белгіленген карантин талаптары туралы ұмытып, медициналық бетпердесін бетінен түсірді. Сол үшін енді әкімшілік оны жауапкершілікке тартады, деп хабарлайды fergana agency ақпараттық ресурсы.
Мемлекеттік қызметші азаматтардың алдында бетпердесін түсіріп сөйлеген бейнежазба әлеуметтік желілер арқылы тарады және құқық қорғау органдарының назарынан да тыс қалмады.
Осыған байланысты Рүстем Қаркеновке қатысты хаттама толтырылып, іс сотқа жіберілді. Енді мемлекеттік қызметші 10 айлық есептік көрсеткіш — 28 мың теңге көлемінде әкімшілік айыппұл төлеуге міндетті.
Шенеуніктің өзі азаматтар оның айтқан сөзін естімегендіктен медициналық бетпердесін бетінен түсіргенін айтады.
«Мен белгілі бір сөздерді айту үшін бетпердені түсірдім де, оны қайтадан кидім. Мен оны негізінен алып тастаған жоқпын, жай ғана түсірдім. Олар бұл фактіні бетперде мүлдем жоқ деп санады. Менің пікірім — бұл біржақты көзқарас, әсіресе арада біраз уақыт өткеннен кейін. Қорытындысы түсінікті болуы тиіс», — деді Рүстем Қаркенов.
Денсаулық сақтау министрі Алексей Цойдың бұйрығына сәйкес Қазақстанда маска кию міндетті болып табылады. Маска режимін сақтамағаны үшін 30 айлық есептік көрсеткіш — 83340 теңге мөлшерінде айыппұл қарастырылған.
Сурет: tengrinews.kz
