Норвегия астанасында Қазақстанның Тұңғыш Президенті Нұрсұлтан Назарбаевтың Норвег тіліндегі ядролық қарусыздану мәселелері туралы кітабы таныстырылды. Бұл туралы Қазақстан Сыртқы істер министрлігінің баспасөз қызметі хабарлады.
Норвегия астанасының Әдебиет үйінде өткен осы кітаптың тұсаукесеріне ядролық қаруға қарсы халықаралық компанияға қатысушылар, сондай-ақ дипломаттар мен екі елдің мемлекет қайраткерлері қатысты.
Іс-шараға қатысушылар алдында сөйлеген сөзінде Біздің Республикамыздың Норвегиядағы Төтенше және Өкілетті елшісі Еркін Ахинжанов “Бейбітшілік эпицентрі” кітабы Қазақстанның ядролық сынақтары мен ядролық әлеуетін бөлшектеу тарихын баяндайтынын айтты.
Өз кезегінде, “Осло Орталығының” атқарушы төрағасы қызметін қоса атқаратын Норвегияның экс-премьері Кьелл Магне Бондевик, Нұрсұлтан Назарбаев ядролық қаруды пайдалану апатты зардапқа соқтыратынын түсінгендердің бірі болып табылатынын атап өтті.
“Ядролық қаруды жою бойынша жұмысты күшейте алатын білім мен ресурстарға ие болу маңызды. Бұл кітапты баяндайтын Қазақстанның тәжірибесі өте пайдалы. Мемлекет Кеңес Одағы ыдырағаннан кейін, өз аумағынан барлық ядролық қару мен қондырғыларды әкеткендігі үшін мойындауға лайық. Бұл өзгелер үшін жақсы үлгі”, – деді Норвегияның экс-премьері.
