Орталық сайлау комиссиясы Қазақстан Президенті лауазымына тағы бір кандидат – Әміржан Қосановты ресми тіркеді. Бұл туралы ведомствоның баспасөз қызметі хабарлады.
Бұл туралы бүгін Орталық сайлау комиссиясында хабарлады. Онда Қосановты Президент лауазымына тіркеу туралы қаулы жобасы қаралды.
Үміткер Біріккен “Ұлт тағдыры “ұлттық-патриоттық” қозғалысынан ұсынылды. Ол мемлекеттік тілді білу емтиханын сәтті тапсырды, сондай-ақ үміткерлерге қойылатын барлық талаптарға сәйкес келеді.
Кандидатты қолдау үшін республиканың 14 өңірінде 131 189 қол жиналды. Оның 129 582 қолы жарамды және дұрыс деп танылды.
Отырыс қорытындысы бойынша “2019 жылғы 9 маусымға тағайындалған Қазақстан Президентінің кезектен тыс сайлауында ҚР Президенттігіне кандидат Қосанов Әміржан Сағидрахманұлын тіркеу туралы” қаулы қабылданды.
Бұған дейін Орталық сайлау комиссиясы тағы бірнеше кандидатты тіркеді: Садыбек Түгел, Төлеутай Рақымбеков, Жамбыл Ахметбеков, Амангелді Таспихов, Қасым-Жомарт Тоқаев және Дания Еспаев.
Қазіргі таңда Ортсайлауком тоғыз кандидаттан құжат тапсырды. Бірақ кейін Қазақстан құрылысшылары Одағынан дауысқа түсетін Талғат Ерғалиев сайлауға қатысу туралы өз өтінішін қайтарып алды.
