Орталық сайлау комиссиясында кезектен тыс Президент сайлауын өткізу үшін 12 миллиард теңге неге жұмсалатынын айтты, деп хабарлайды Tengrinews.kz жорналшысы.
Сайлау туралы Конституциялық заңға сәйкес Орталық сайлау комиссиясы сайлау науқанын өткізу үшін шамамен шығын сметасын есептеді. Ақшаның 77% учаскелік және аумақтық сайлау комиссиялары мүшелерінің жалақысына кетеді. Сайлау комиссияларында көптеген бюджеттік қызметкерлер, зейнеткерлер, студенттер және өзін-өзі жұмыспен қамтыған адамдар бар.
Қалған сома 10 мыңға жуық учаскелерді, соның ішінде мүгедектердің мұқтаждықтары үшін, ақпараттық материалдар, сайлау бюллетеньдері, қол қою парақтары мен плакаттар сияқты қажеттіліктерге есептелген. ОСК басшысы Сәбила Мұстфинаның айтуынша, «бұл есептерге президенттікке үміткерлердің жұмысы да кіреді».
2 күн бұрын ОСК осы Бюджеттік өтінімді Қаржы министрлігіне жіберді. Министрлік сайлау алдындағы науқан үшін материалдар мен қызметтерге қатысты оның кейбір жерлерін оңтайландырды. Үлгі смета аумақтық сайлау комиссияларының бюджеттік өтінімдері негізінде есептеледі. Сома азайтылуы мүмкін. Келесі аптада осы мәселе бойынша Үкімет отырысы өтеді. Бүгін түпкілікті сома анықталатын министрліктің қорытындысы күтілуде.
Қазақстанда 9 маусымда кезектен тыс президент сайлауы өтеді. Бұған дейін Қаржы министрлігінде Орталық сайлау комиссиясы кезектен тыс Президент сайлауын өткізуге 12 миллиард теңге сұрағанын хабарлады.
Сурет: Турар Казангапов
