«Орыс мыс компаниясының» директоры Алексей Гордеев биылғы жылы компания Ресей мен Қазақстанда тау-кен өндірісін дамытуға 760 миллион доллар бағыттайтынын, бұл өткен жылға қарағанда 13%-ға артық екенін айтты.
Алексей Гордеевтің айтуынша, бұл соманың Хабаровск өлкесінде орналасқан Малмыжск кен орнын сатып алу инвестициясына қатысы жоқ.
Сонымен қатар, директор биылғы жылы компанияның негізгі жобалары Томинск тау-кен байыту комбинатын салу, Қазақстандағы Аралшы теліміндегі Көктем-Аралшы кен орны мен Құндызды кен орнындарын игеру болатынын хабарлады.
«Компанияда 2050 жылға дейін есептелген кен орындарын игеру бағдарламасы әзірленд,ол тоқсан сайын жаңартылып отырады.2018 жылдағыдай, компания 2019 жылы да геологиялық барлауға шамамен 10 млн доллар жұмсауды жоспарлап отыр. Компанияның геологиялық барлау жұмыстарының негізгі көлемі Оңтүстік Орал мен Қазақстанда шоғырланған», — деді Гордеев.
