Ақтөбе облысында Ырғыз ауданының прокурорына айыппұл салынды, ол аудандық сот төрағасы және басқа да тұлғалармен бірге “Ақман” күзетілетін қорығына заңсыз кірген. Бұл туралы облыстық соттың баспасөз қызметі хабарлады.
Жуырда облыстық сотқа қорық аумағына заңсыз кірген бір топ адамдарды ұстау туралы хабарлама келіп түсті. Ұсталған азаматтардың арасында Ырғыз ауданының прокуроры Айдос Сағындықов пен аудандық сот төрағасы Бақытжан Ерлан болғаны анықталды.
Қадағалау органының ақпараты бойынша, прокурорға күзетілетін қорықтың аумағында заңсыз болғаны үшін 2 айлық жалақы мөлшерінде әкімшілік айыппұл салынды. Балық табылмағандықтан оған салынған айыппұл мөлшері аз болды.
Сондай-ақ, облыстық прокуратураның баспасөз хатшысы Өркен Ещанов қазіргі уақытта қадағалау органының қызметкеріне қатысты тәртіптік жауапкершілікті ұлғайту мақсатында қызметтік тергеу жүргізіліп жатқанын айтты.
Облыстық сотта Ырғыз аудандық сотының төрағасына қатысты қорыққа заңсыз кіру фактісі бойынша қызметтік тексеру жүргізіліп жатқанын айтты.
Сурет: dknews.kz
