Бүгін Нұр-Сұлтанда Қазақстан Орталық сайлау комиссиясының отырысы өтті, оның барысында республикада Сенат депутаттығына сайлау өткізу мәселесі талқыланды, деп хабарлайды «ҚазАқпарат».
Отырысқа қатысушылар алдында сөйлеген сөзінде еліміздің Орталық сайлау комиссиясының басшысы Берік Имашев бүгінгі таңда Парламенттің жоғарғы палатасының депутаттығына қанша кандидат ұсынылғанын айтты.
Оның айтуынша, бүгінгі таңда Сенат депутаттығына 88 кандидат ұсынылды, яғни бір депутаттық орынға бес адам үміткер болады.
Сонымен қатар, Берік Имашев Парламенттің жоғарғы палатасының депутаттығына үміткерлерден өтінімдер ағымдағы жылдың 12 шілдесіне дейін қабылданатынын еске салды.
Бұған дейін Орталық сайлау комиссиясы Сенат депутаттығына үміткерлер республика бюджетінен 450 мың теңгеден алатынын айтқан болатын. Бұл ақшаны олар теледидардан бағдарлама жасау, сайлау алдындағы көпшілік шараларды өткізуге, сондай-ақ үгіт материалдарын шығаруға жұмсай алады.
Қазақстан Республикасының Президенті Қасым-Жомарт Тоқаевтың жарлығына сәйкес Қазақстан Сенатына сайлау биылғы жылдың 12 тамызында өтеді.
Сурет: 365info.kz
