Орталық сайлау комиссиясының мүшесі Константин Петров алдағы Мәжіліс пен мәслихат сайлауында 11,8 миллион сайлаушы дауыс бере алатынын мәлімдеді, деп хабарлайды vlast.kz ақпарат ресурсы.
Ол жақында Орталық сайлау комиссиясы сайлаушылар тізілімін жаңартқанын, оған 11,8 миллион адам кіргенін айтты. Сайлау тізілімі мемлекеттік деректер базасы негізінде қалыптастырылды.
“Сондықтан біз қазір сайлаушылардың тізімі сапалы болды деп үлкен сеніммен айтамыз. Бұрын, ақпарат көздері әртүрлі болған кезде, кейбір азаматтар екі тізімде де болуы немесе бірде-біреуіне де енбеген. Қазір бұл тәжірибе ескірді деп санаймыз”, – деді Петров.
Сонымен бірге, Ортсайлауком өкілі уақытша тіркелген азаматтар, сондай-ақ ол мүлдем жоқ азаматтар сайлауда өз дауысын бере алатынын атап өтті.
Алайда, Петровтың айтуынша, тіркеуі жоқ азаматтар жергілікті атқарушы органға жүгініп, орналасқан жері бойынша дауыс беру үшін учаскені таңдауы керек. Оны сайлау басталардан кемінде бір ай бұрын, яғни 10 желтоқсанға дейін жасау қажет.
Сурет: vlast.kz
