Қазақстан сыртқы саясат ведомствосының басшысы Мұхтар Тілеуберді, «Жасыл Орталық Азия» жобасы ұсынылатын, конференцияға қатысу мақсатында Германия астанасына барады. Бұл туралы ҚР СІМ өкілі Айбек Смадияров мәлімдеді.
Смадияровтың айтуынша, Берлиндегі іс-шараға тек Орталық Азия өңірі елдерінің Сыртқы істер министрлері ғана емес, сонымен қатар Германия дипломатиялық ведомствосының басшысы Хайко Маас, Еуропа Одағының Сыртқы істер және қауіпсіздік саясаты жөніндегі Жоғарғы өкілі Жозеп Боррель қатысады деп жоспарлануда.
Қазақстан СІМ өкілі конференцияның ерекше бөлігі, Орталық Азия елдерінің сыртқы саяси ведомстволары басшыларының Орталық Азия аймағындағы экологиялық проблемаларды шешуге бағытталған, бірлескен экологиялық декларацияға қол қоюы болатынын атап өтті.
Сонымен қатар, Мұхтар Тілеуберди өзінің Берлинге ресми сапары аясында, Қазақстан-Германия қатынастарын дамыту мәселелері бойынша, Герман Сыртқы істер және экономика министрлері Хайко Маас және Петер Альтмайермен бірқатар кездесулер өткізеді.
