Коронавирустың таралуына байланысты газға деген сұраныс төмендеді, осыған байланысты Қазақстан, Өзбекстан және Түркіменстан оның Қытайға жеткізілуін қысқарту мәселесін қарастырып жатыр. Бұл туралы «Өзбекнефтегаз» өзбек мұнай-газ компаниясының бас директоры Мехриддин Абдуллаев мәлімдеді.
Ол Орталық Азия елдерінің газ өндірушілері Қытайға газ жеткізуді жалпы қысқартуды талқылап жатқанын айтты. Алайда, көлемі қанша қысқартылатыны белгісіз, себебі мәселе әлі шешілу үстінде.
Сондай-ақ Мехриддин Абдуллаев биылғы жылдың наурыз айында PetroChina қытайлық мұнай-газ компаниясы форс-мажор жариялағандықтан, Қазақстан Республикасы Қытайға газ жеткізу көлемін 20-25%-ға қысқартқанын еске салды.
Абдуллаев Өзбекстан алдағы он жыл бойы Қытайға газ экспорттаудан бас тартуды жоспарлап отырғанын айтты. Ол республика ішінде өңделетінін баса айтты.
Қазіргі уақытта қытай тарапына Орталық Азиядан газ «Түрікменстан — Өзбекстан — Қазақстан — Қытай» газ құбыры арқылы жеткізіледі. Оның өткізу қабілеті жылына 55 миллиард текше метрді құрайды.
Өзбек мұнай-газ компаниясының ақпараты бойынша, Өзбекстан Қытайға жыл сайын 10 миллиард текше метр газ жібереді, қытай кеден қызметінің мәліметтеріне сәйкес, Қазақстан өткен жылы Қытайға 7,1 миллиард текше метр газ, ал Түркменстан — 33,2 миллиард текше метр газ экспорттады.
Сурет: gazeta.ru
