Ресей сыртқы саяси ведомствосының өкілдері Ресей тарапы Орталық Азия республикаларымен 9 тармақтан тұратын ынтымақтастықтың жаңа стратегиясы бойынша келіскенін хабарлады, деп жазады rambler.ru ақпарат ресурсы.
Бұл құжат Орталық Азия елдері мен Ресей Федерациясы Сыртқы істер министрлерінің кезекті отырысында қаралып, келісілді. Коронавирусқа байланысты ол бейнеконференция форматында өтті.
Стратегияға сәйкес Орталық Азия өңірі мен Ресей елдері арасындағы ынтымақтастықтың перспективалы бағыттары мыналар болды:
– сауда-экономикалық қатынастар;
– энергетика;
– саяси-дипломатиялық сала;
– қауіпсіздік;
– санитарлық-эпидемиологиялық жағдай;
– көші-қон саласы;
– қоршаған ортаны қорғау және климаттың өзгеруіне бейімделу;
– гуманитарлық сала;
– көлік байланысы.
Отырыстың қорытындысы бойынша сыртқы саяси ведомстволардың басшылары Орталық Азия елдері және Ресейге байланысты өзекті мәселелерді талқылау бойынша сімаралық кеңестерді тұрақты негізде өткізу үшін бар күш-жігерлерін салатындарын мәлімдеді.
Сонымен қатар, Ресей тарапы аймақтағы республикаларға ортақ жау – коронавирус індетінемен күресте тағы да көмектесуге дайын екенін айтты.
Сурет: centralasia.media
