Оңтүстік Орал мемлекеттік университеті бейнеконференция өткізді, оның барысында Орал өңірі мен Орталық Азия елдерінің Ұлы Отан соғысындағы Жеңіске қосқан үлесі туралы халықаралық мақалалар жинағы ұсынылды, деп хабарлайды Ресей Федерациясындағы Қазақстан елшілігінің баспасөз қызметі.
Бейнеконференцияға Оңтүстік-Орал мемлекеттік университетінің, Орталық Азия елдерінің, оның ішінде Қазақстан Республикасының, ғылыми ортасының өкілдері қатысты.
Бұл жинақты талқылай отырып, ғалымдар оның посткеңестік кеңістікте Ұлы Отан соғысы тарихы туралы ғылыми түсініктерді дамытудағы маңыздылығын атап өтті.
Жинақтың шығуы Ұлы Жеңістің 75 жылдығына орайластырылған. Оған біздің республика, Ресей, Қырғызстан, Тәжікстан және Өзбекстан тарихшыларының мақалалары енді.
Кітап Ұлы Отан соғысы Жеңісіне Орталық Азия елдері мен Орал өңірлерінің қосқан үлесі туралы, сондай-ақ тылдағы күнделікті өмірі, әскери техника шығару, соғыс кезіндегі экономика және еңбек ресурстарын пайдалану туралы баяндайды.
Бейнеконференция соңында қатысушылар Ұлы Отан соғысындағы Жеңіс туралы тарихи естелікті сақтау посткеңестік елдердің барлық азаматтары үшін маңыздылығын атап өтті.
Сурет: kazembassy.ru
