Қазақстан Бас прокуратурасының арнайы прокурорлар қызметінің бастығы Ризабек Ожаровтың қатысуымен брифинг өтті, оның барысында Қордай тәртіпсіздігіне қатысы бар 12 адам кепілдікпен босатылғанын айтты, деп хабарлайды «ҚазТАГ» ақпарат ресурсы.
«Біз бұлтартпау шарасын саралап таңдадық. Бостандықтағы 12 күдіктіге қатысты жеке кепілгерлік түріндегі бұлтартпау шарасы таңдалды», — деді Ризабек Ожаров.
Сонымен қатар, қадағалау органының өкілі тиісті міндеттемелерді Кордайдың белгілі тұрғындары өз мойнына алғанын айтты.
Сондай-ақ, брифинг барысында Ризабек Ожаровтың айтуынша, Қордай оқиғасына қатысы бар деген күдікпен ұсталған азаматтарға карантиндік режим жағдайында бейнеконференцбайланыс арқылы туыстарымен сөйлесуге мүмкіндік берілген.
Ағымдағы жылдың ақпан айында Жамбыл облысының Қордай ауданында жаппай тәртіпсіздік орын алып, салдарынан жергілікті тұрғындар қаза тауып, зардап шекті. Сонымен қатар, Масаншы, Бұлар батыр және Аухатты елді мекендерде 39 тұрғын үй мен 20 коммерциялық нысан толығымен қирады.
