Жамбыл облысы Қордай ауданында ағымдағы жылдың 7 ақпанында болған жаппай төбелес салдарын жою жұмыстары жалғасуда. Бұл туралы Интерфакс-Қазақстан ақпарат агенттігі хабарлады.
Бұған дейін ауданда Қаракемер, Масаншы, Қордай, Қарасу, Аухатты, Сортөбе ауылдарының ақсақалдары мен беделді тұрғындары кірген қоғамдық келісім кеңесі құрылды. Өкіл Қордай ауылының ардагерлер кеңесінің басшысы Әбдібек Сейілханов болды.
«Негізгі міндеттер — жастармен тәрбие жұмыстарын жүргізу, Қордай ауданы ауылдарының тұрғындары арасындағы бірлік пен келісімді нығайту үшін бірлескен мәдени-спорттық іс — шараларды ұйымдастыру», — делінген хабарламада.
Ағымдағы жылдың 7 ақпанында Жамбыл облысы Қордай ауданы Масаншы ауылында жергілікті тұрғындар арасында жаппай төбелес болды. Нәтижесінде 11 адам қаза тауып, 185-тен астам адам зардап шекті. 8 ақпаннан бастап ауылда төтенше жағдай енгізілді.
