Жамбыл облысының әкімі Бердібек Сапарбаев жаппай тәртіпсіздік орын алған Қордай ауданына жұмыс сапарымен барды. Бұл туралы Tengrinews.kz ақпарат ресурсы хабарлады.
Аудан әкімі Қаракемер ауылының ақсақалдарымен кездесті. Кездесуде Сапарбаев жағдайдың тұрақталғанын, енді күнделікті істермен айналысу қажеттігін атап өтті.
Масаншы елді мекенінің жергілікті тұрғындарымен кездесу барысында аудан әкімі әйелдер кеңесі мен ақсақалдар соты құрылғанын айтты.
Сонымен қатар, Сапарбаев жергілікті жастарды тәртіпсіздікке шақырып, әлеуметтік желілерде арандатушылық таратып жүрген тұлғаларды анықтауды сұрады.
Сондай-ақ, Бердібек Сапарбаев өзінің жұмыс сапары аясында болған қақтығыстың салдарын жоюмен айналысып жатқан өңірлік штаб отырысын өткізді.
Жиында Сапарбаев жергілікті атқарушы билік органдарының басшылары тұрғындармен жиі кездесіп, туындаған проблемаларға жедел ден қою керектігін айтты. Сонымен қатар оларға жастарды жұмыспен қамту мәселелерін бақылауда ұстау тапсырылды.
