Оралда Ресейдегі қазақстандық диаспорамен мәдени байланысты нығайтуға бағытталған «Altyn kopir» халықаралық фестивалі басталды. Биылғы жылы пандемияға қарап, ол онлайн-форматта өткізіледі.
Дәстүрлі түрде бұл фестивальге Ресейдің 5 шекаралас облыстарынан: Саратов, Самара, Орынбор, Астрахань және Волгоград қазақстандық диаспоралардың өкілдері қатысады. Биылғы жылы өткізу форматы Мәскеу, Томск, Новосибирск, Барнаул, Қорған, Екатеринбург, Челябі, Алтай өлкесінен жастар көшбасшыларын тартуға мүмкіндік берді.
Орал қаласының Достық үйінде іс-шараны ашқан облыстық тілдерді дамыту басқармасы басшысының м.а. Светлана Ганиева фестиваль батысқазақстандықтар мен Ресейдегі отандастар арасындағы көпірге айналғанын атап өтті.
Форум жұмысына Батыс Қазақстан облысы жастар қоғамдық бірлестіктерінің көшбасшылары да, тіл мамандары, өлкетанушылар мен тарихшылар да тартылды.
Фестивальға қатысушылардың бірі, «Томирис» Мәскеу продюсерлік орталығының директоры Дамиля Тасмағамбетова облыс әкімі Ғали Есқалиевке, облыстық тілдерді дамыту басқармасының ұжымына бірлескен іс-шараларды ұйымдастырғаны үшін, жақын шетелдердегі отандастарымызға қамқорлық жасағаны үшін жылы лебізін білдірді.
«Омбы қазақтары» қоғамдық бірлестігінің жетекшісі Қуаныш Елеутаевтен де алғыс айтылды.
«Отандастар» қоры » КЕАҚ Президентінің кеңесшісі Болат Дидар өскелең ұрпақты тәрбиелеу ісіндегі осындай іс-шаралардың маңыздылығына назар аударды. Ол фестиваль екі көрші елдің жастары арасындағы қарым-қатынасты нығайту үшін диалог алаңына айналатынына сенім білдірді.
Фестиваль аясында облыстық тарихи-өлкетану мұражайы бойынша онлайн-экскурсиялар, қазақ тілін оқыту курстары және қолданбалы өнердің ұлттық түрлері бойынша шеберлік сыныптары ұйымдастырылады.
Сурет: inform.kz
