Қазақстан, Ресей және Беларусь елдерінің қатысушылары Орал қаласында өткен “Қосымша білім беру жағдайында балалар мен жасөспірімдер туризмін жүзеге асырудағы кластерлік тәсіл” атты халықаралық форумға жиналды. Бұл туралы Сенаттың баспасөз қызметі хабарлады.
Бұл форумның жұмысына Қазақстан Республикасы парламенті жоғарғы палатасының депутаты Динар Нөкетаева қатысты,ол өз сөзінде Қазақстанның туристік-өлкетану қызметіндегі негізгі жетістіктері туралы айтты.
Іс-шараға қатысушылар алдында сөз сөйлеген Сенат депутаты бүгінгі таңда елімізде балалар мен жасөспірімдер туризмін, өлкетану және экскурсиялық жұмыстарды дамытуда шешілуі қажет кейбір мәселелер бар екенін айтты.
Қазақстан парламенті жоғарғы палатасының ақпараты бойынша, форум соңында дөңгелек үстел өтіп, онда осы іс-шараның қорытындысы шығарылып, елімізде балалар мен жасөспірімдер туризмін дамыту бойынша ұсыныстар айтылды.
Сурет: 24.kz
