Оралда кезекті үй сызат берді.Бұған дейін мұндай жағдайлар Қазақстан Республикасының басқа қалаларындағы жаңа құрылыстарда болған,тіпті жаңа салынған үй құлаған оқиға да орын алған.Бұл жолы 1981 жылы, кеңес кезінде, салынған кірпіш үйі болды.
Тұрғындар жеті жыл бұрын сыртқы қабырғада сызат пайда болып, ол күн сайын үлкейіп,кірпіштері құлап жатқанына алаңдаған.
Апатты үй тұрғындарының бірінің айтуынша, пәтер иелері тұтыну кооперативіне шағым жазылып, қала әкімдігіне өтініш жасаған. Тұрғындардың өтініштеріне ешқандай іс-әрекет болмаған. Ғимараттың бесінші қабатында қабырғадағы жарықшақтардан көше көрінген. Одан жоғары қабаттарда баспалдақтар қабырғалар мен еденнен әрі кете бастаған. Тұрғындар ғимарат құлай бастайды деп қорқады.
ПИК мәселені шешу өз құзырында емес екенін айтып, пәтерлеріне рұқсатсыз қайта жоспарлау жасаған тұрғындарды айыптайды.
«Центр» ПИТК төрағасы Федор Радостев: «Біз шағымды тұрғын үй-коммуналдық шаруашылық бөліміне және тұрғын үй инспекциясына жібере аламыз «- деген.
Қала әкімдігі тұрғын үй-коммуналдық шаруашылық бөлімінің, ТЖ басқармасының, сәулет және құрылыс бөлімдерінің және мемлекеттік сәулет-құрылыс бақылау басқармасының қатысуымен комиссия құру арқылы тұрғындардың шағымдарына жауап берді.
Әкімдіктің баспасөз қызметі: «көзбен шолып қарау нәтижесінде ғимараттың бірінші қабатынан тоғызыншы қабатқа дейін бірінші кіреберістің көтергіш қабырғаларында жарықтар табылды. Әр қабатта маяктар орнатылды. Олардың көрсеткіштері күн сайын бақыланады. Жарық ұлғая ма, ұлғаймай ма бақылау қажет. Бұдан әрі осы жағдайды жою үшін істелген жұмыстар туралы,атқарылған жұмыстардың қорытындысы туралы мәлімет беретін мамандандырылған ұйымдар жұмылдырылатын болады».
Оралда 40-қа жуық апатты және 200-ге жуық ескі үйлер бар. Мемлекеттік-жеке меншік әріптестік әдісі бойынша «ескі тұрғын үй» тұрғындарын қоныстандыру бағдарламасы бар. Бағдарламаға қатысу шарты ғимаратты «апатты жағдайда» деп тану болып табылады.
Сурет: nur.kz
